Кержаков «Қайрат» бас бапкер қызметінен кетеді

Александр Кержаков «Қайрат» бас бапкер қызметінен кетеді. Бұл туралы футбол клубы әлеуметтік желілердегі парақшаларында мәлімдеді, деп хабарлайды ZTB News.

Ресейлік маманмен келісімшарт тараптардың өзара келісімі бойынша бұзылды.

Онымен бірге оның көмекшілері Владимир Казаков пен Руслан Аджинджал да клубтан кетеді. Александр Анатольевичке атқарған жұмысына алғыс айта отырып, мансап жолында одан әрі табыс тілейміз, - делінген хабарламада.

Кержаков мамыр айының соңында "Қайратты" басқарды. Оның басшылығымен "Қайрат" 12 матч өткізді, онда ол алты жеңіске жетті, үш рет тең ойнады және қарсыластарынан үш рет жеңілді.